10:56 “Million” qiziqchilar jamoasi sentabrda “Istiqlol” san’at saroyida konsert beradi | |
| “Million” qiziqchilar jamoasi 2016-yilning 15—18-sentabr kunlari Toshkentdagi “Istiqlol” san’at saroyida konsert beradi. Bu haqda jamoa boshlig‘i Davron Kabulov Instagram’dagi sahifasida xabar qoldirdi. “Kutganmidingiz? Biz kelyapmiz. Sog‘inchingizga munosib bo‘lishga qo‘ldan kelganicha harakat qilamiz. Biz roppa-rosa 2,5 yil kutgan konsert!”, — deyiladi Davron Kabulov Instagram’da qoldirgan xabarda. Ma’lumot uchun, “Million” jamoasi so‘nggi bor 2014-yil aprel oyida konsert bergan edi. Oradan bir necha oy o‘tib, konsert videodisklari chiqqanidan so‘ng, guruh sahnaga olib chiqqan ko‘plab hazillar jamoatchilik tomonidan tanqid qilingan. Keyinroq, 2014-yil sentabrida esa “Million” qiziqchilar jamoasining konsert-tomosha faoliyati uchun berilgan litsenziyasi “O‘zbeknavo” estrada birlashmasi tomonidan tugatilgan edi. Manba: Daryo.uz | |
|
| |
| Всего комментариев: 0 | |