09:03 Meksikada jurnalist ayol noma’lum qurollangan jinoyatchilar qurboni bo‘ldi | |
| Meksika shimolidagi Tamaulipas shtatida o‘qituvchi va mustaqil jurnalist Samira Ester Bautista noma’lum qurollangan jinoyatchilar qurboni bo‘ldi. U Syudad- Viktoriya shahrida, maktabga ishga otlanayotganida o‘zining avtomobilida o‘ldirilgan, deya xabar beradi “TASS”. 44 yoshli ayol bir qator nashrlar, jumladan, Mercurio va La verdad de Ciudad-Victoria gazetalari bilan hamkorlik qilgani aytilmoqda. Mahalliy jurnalistlar mazkur jinoyatni keskin qoralab chiqdi va rasmiylardan mintaqada xavfsizlik borasidagi vaziyatni yaxshilashni talab qildi. Bu Meksikada oxirgi bir necha kun mobaynida ikkinchi bor OAV vakilining o‘ldirilishi — o‘tgan hafta oxirida Oaxaka shtatida jurnalist Elido Ramos Sarate otib ketilgan edi. Meksika jurnalistlik faoliyati uchun eng xavfli davlatlar sirasiga kiradi: mamlakatda 2000-yildan beri OAV bilan hamkorlik qilgan 100 dan ortiq kishi o‘ldirildi. Manba: Daryo.uz | |
|
| |
| Всего комментариев: 0 | |