15:52 Google Wi-Fi simsiz routerlari sotuvga chiqarildi | |
| AQShning Google korporatsiyasi ixcham va simsiz Google Wi-Fi routerlarini sotuvga chiqardi. Ikki yoki undan ortiq routerni yagona simsiz tarmoqqa ulash imkonini beradigan uskuna 129 dollarga baholanmoqda, deb xabar beradi TJournal. Kompaniya simsiz router anonsini 4-oktabr kuni bergan edi. 17-noyabrdan uni oldindan buyurtma qilish imkoniyati tug‘ildi. Router 140 kvadrat metr maydonni qoplaydi. Google Wi-Fi’ning uchta bloki esa 420 kvadrat metr masofaga internet tarqata oladi. Bundan tashqari, Google Wi-Fi barcha foydalanuvchilarga uydan turib internetga kirish, bunda eng yaqin aloqa nuqtasini tanlash imkonini beradigan Network Assist texnologiyasiga ega. Tarmoq mobil dastur orqali boshqariladi. Uchta routerdan iborat komplekt narxi — 229 dollar. Uni Amazon, Google Store va Best Buy’ning ixtisoslashtirilgan markazlaridan sotib olish mumkin. Manba: Daryo.uz | |
|
| |
| Всего комментариев: 0 | |