09:57 Boks afsonasi Muhammad Ali 74 yoshida vafot etdi | |
| Amerikalik afsonaviy bokschi, inson huquqlari kurashchisi, og‘ir vazn toifasida uch karra jahon chempioni Muhammad Ali 74 yoshida vafot etdi, deb xabar bermoqda NBC News. Muhammad Ali mahalliy vaqt bilan 3-iyun, juma kuni, Finiks shahridagi shifoxonalardan birida jon berdi. Marhum bokschi nafas olishga qiynalayotgani sababli shifoxonaga yetkazilgan va u yerda bir necha kun o‘tkazgan edi. “Muhammad Ali 32 yil davomida Parkinson xastaligiga qarshi kurashdi. U 74 yoshida hayotdan ko‘z yumdi. Uch karra jahon chempioni endi oramizda yo‘q”, – dedi marhumning rasmiy vakili Bob Gannell. Professional faoliyati davomida Muhammad Ali 61 ta jang o‘tkazib, 56 tasida (shulardan 37 tasida nokaut bilan) g‘alaba qozonib, 5 tasida mag‘lubiyatga uchragan. U 1960-yilgi Olimpiada chempioni bo‘lgan. 1999-yilda Ali “Asrning eng yaxshi sportchisi” deb tan olingandi. Manba: Daryo.uz | |
|
| |
| Всего комментариев: 0 | |